martes, 1 de septiembre de 2009

Búscase xente mozu

Búscase xente mozu avezáu n'iguar h.uracos asopladeros pequeñinos. Pa entamar con puxu y h.uercia un llabor de desobstrucción nel oriente astur. Ensín esperanza nenguna de reconocencia pública o d'algamar prestixu espeleolóxicu. Valoraráse esperiencia nel usu la maceta, l'escoplu y la fesoria. Ofrezse sudu y mugor asgaya amestáu con agua fríu y llamaza abondu. Nel meyor de los casos -si somos quien a empatar les dos cueves- delles cerveces nel bar de Porrúa. Estudiaránse tamién les ufiertes de xente non tan mozu y h.astasa vieyos, siempres que la esperiencia nel llabor seya nidia. Los becarios l'Escar que respuendan a esti anunciu tienen garantizáu el trabayu más duru y gochu de cuantos heban de rifase. Asina mesmu ofrezse a los becarios la suma de dellos puntos de cara a la subida nel escalafón.
Interesaos contauten col tochu las Mañangas. Salú pa toos.

2 comentarios:

Juan Pablo Cortina dijo...

yo me apunto

Pablo Solares dijo...

Pámique hai ún de Llaviana qu'aspira a nuevu becariu del Escar. Bienllegáu!! A ver si asomen la tiesta los becarios oficiales y ponemos-y fecha a la salida. Salu!