lunes, 28 de septiembre de 2009

Cazumbre nuevu pa la espeleo asturiana

Una de les iniciatives más prestoses e interesantes qu'entamaren cola Xuntanza h.oi, al mio entender, les salides de cueves de "neños y veteranos". La idea era axuntar a los neños de los distintos clubes en salíes de cueves adautadas al nivel. Comentóse en más de una ocasión que nun hai cantera, que'l nuestru deporte muérrese ensin relevu xeneracional, pero al empar entendíemos que é difícil que los críos disfruten de les cueves cuando solu salen colos sos pás o con otra xente mayor. La solución ta iguada, cueves pa neños y veteranos, axuntando a los neños de los distintos clubes partícipes. Ya se h.icieren varies visites a cueves (Cueva la Colluvina, Cueva Gatos, Cueva'l Gamoniteiru...), pero ún nun toviera oportunidá de participar dah.echu nelles h.astasa esti sábado, en que pudi participar de una d'estes visites, a la Cueva los Canes de Puertas de Cabrales nesti casu.
De verdá que é bien prestosu ver a los neños (del Gorfolí, del Polifemo, del Escar...) andechando como ellos h.acen, ente enriedos y colos güeyos perabiertos, flipando más que nós con tou lo qu'hai alrodiu d'una cueva.
La espeleo nun muerre, non. Cazumbre nuevu y sangre mozu acutáu pal futuru la espeleo asturiana. Y sinon lo tenéis claru mirade los semeyos que vienen darréu.
Participaren por parte l'Escar: de neños la nuestra benjamina Irene; de mayores Avelino, Irene y Pablo, tamién J.Pablo Cortina, firme candidatu a becariu l'Escar.
Y si preferís que vos lo cunten ellos, los neños, echade-y una güeyada al blog de Enol Bernardo (de la nueva xeneración del Gorfolí) pinchando equí.



 


  

  


2 comentarios:

Irene Alonso dijo...

¡¡¡Pero si estoy en primer plano!!!

solares dijo...

Claro que sí, Irene, ;)
¡A ver si te animas a venir más veces de cuevas!